Ish-ministri i Jashtëm, Ditmir Bushati ka “trazuar ujërat” në këtë kohë fushate. Me anë të një postimi në rrjetet sociale ai iu bënë ftesë publike të rinjve të bashkohen në një debat publik live sot në orën 20:00. Ai në thotë se e di që të rinjtë flasin e debatojnë me njëri-tjetrin për situatat e ndryshëm në vend e do të donte që këto opinione ti ndanin së bashku në atë që ai e ka quajtur “sheshi publik”. Ndër të tjera Bushati ka thënë se 25 prilli është një moment i rëndësishëm për shoqërinë dhe sidomos për rininë.
“Çuna e goca, sot në 20.00 takohemi te #SheshiPublik në InstaLive.
25 prilli është moment i rëndësishëm për shoqërinë, por mbi të gjitha për ju. Unë jam i sigurtë që në chat-grupet tuaja, por jo vetëm, flisni, debatoni, përplasni ide dhe mbani qëndrime. Unë ju ftoj që shumë nga pyetjet dhe mendimet tuaja ti ndajmë bashkë tek #SheshiPublikShihemi në 20.00”, ka shkruar ish ministri i Jashtëm, Ditmir Bushati.
Kujtojmë se Bushati nuk do të marrin pjesë në këto zgjedhje, gjithashtu qarkullojnë zëra se ai ka pasur një përplasje të ashpër me kryeministrin Edi Rama, gjë që nuk është pranuar nga personat në fjalë. Por ajo që është vënë re janë thumbat që kanë hedhur kundrejt njëri-tjetrit. Mjafton të kujtojmë atë që tha kryeministri në një deklaratë për mediat ”Ditmiri zbriti nga treni”, në kundërpërgjigje Bushati në festën e organizuar për ditëlindje kishte pikërisht një tren, gjë që u mor si një përgjigje për kryeministrin Rama.
