Ish-anëtari i Këshillit Kombëtar të PD-së, Edvin Kulluri ka paralajmëruar nga studio e “Report Tv” se demokratët janë të pakënaqur nga lideri i tyre Lulzim Basha.
Sipas tij, debate të forta po shkakton refuzimi i ndryshimit të sistemit zgjedhor nga PD, ndaj edhe si pasojë e kësaj do të ketë një lëvizje anti-Basha brenda Partisë Demokrate.
Sipas Kullurit, Basha ende nuk po u jep përgjigje këtyre shqetësimeve.
Nëse kryedemokrati vijon me këtë qëndrim dhe këto politika që po ndjek gjatë gjithë këtyre viteve në drejtim të PD mund të nisë një lëvizje kundër tij brenda partisë, sipas Kullurit.
Ish- anëtari i Këshillit Kombëtar të PD-së, ka theksuar gjithashtu se ka një rrezik të lartë që Rama të fitojë mandatin e tretë.
“Brenda koalicionit të djathtë ka një debat shumë të madh, brenda partisë një dhe me aleatët dy.
Pra aleatët e partisë demokratike po kërkojnë ndryshimin e sistemit ose një sistem me koalicione brenda. Basha ka 4 muaj që nuk i jep asnjë përgjigje aleatëve.
Nëse shkohet kështu nga e djathta deri ditën e zgjedhjeve, koalicioni i djathte pa republikën e re vërtet do rrëzonte Ramën por do fundoste dhe partinë demokratike.
Pra nëse PD vazhdon me këtë aventure të Bashës, edhe me këtë sistem do ketë një koalicion të djathtë pa republikën e re”, tha Kulluri.
