Klubi i Kukësit ka njoftuar ditën e sotme emrin e trajnerit të ri. Mirel Josa është trajneri i ri që do të drejtojë ekipin e Kukësit. 57-vjeçari ka një eksperiencë të madhe në futbollin shqiptar, teksa ka fituar titullin si trajner i Tiranës dhe Skënderbeut. Josa qëndronte pushim prej shtatorit të vitit 2019, ku ri dha fund aventurës te Prishtina në IPKO Superligën e Kosovës.
Ndërkohë duhet të kujtojmë se Kukësi renditet në vend të pestë me 23 pikë, 13 më pak se Vllaznia kryesuese. Josa do të debutojë te skuadra e re në përballjen në Korçë kundër Skënderbeut vendas.
Njoftimi nga Klubi i Kukësit:
Futboll Klub Kukësi njofton se Mirel Josa është trajneri i ri i skuadrës sonë. Tekniku kryeqytetas ka arritur sot marrëveshjen për 1 vit e gjysmë dhe menjëherë do të marrë drejtimin e skuadrës, ndërsa prezantimi i tij para mediave do të bëhet ditën e mërkurë.
Pas një mbledhje të stafit drejtues dhe stafit teknik, u vendos që Josa të merrte drejtimin e skuadrës, ndërkohë që Rraman Hallaçi do të jetë ndihmës i tij dhe njëkohësisht do të drejtojë Kukësin U21.
Josa është një trajner që e njeh mirë kampionatin shqiptar, duke drejtuar disa skuadra të ndryshme dhe duke fituar trofe. Klubi i Kukësit i uron suksese trajnerit Josa në krye të stolit kuksian.
