Pas deklaratës së kryeministrit Edi Rama, i cili tha se arrestimi i Klement Balilit, i djeg opozitës, ka ardhur reagimi zyrtar i Lulzim Bashës.
Ashtu si Rama, edhe Basha ka zgjedhur “Twetter” për akuzat e tij kundër qeverisë.
Në postimin e tij, Basha shkruan se ‘Balili’ i djeg mazhorancës dhe jo opozitës, pasi sipas tij, “Eskobari i Ballkanit” është prova e kapitullimit para krimit dhe se së shpejti ai do lehtësohet nga akuzat, duke sjellë si precedent rastin e ish-ministrit të Brendshëm Saimir Tahiri.
“Ramës i djeg e vërteta sepse Balili është prova e kapitullimit të tij para krimit. I djeg sepse ka ulur kokën para të gjitha kushteve të trafikantit të drogës. I djeg sepse shqiptarët do ta shohin shpejt lehtësimin nga akuzat për trafik droge. E kemi pare këtë film me S. Tahirin”, shkruan Basha.
Më herët Rama akuzoi opozitën duke thënë se arrestimi i Balilit i djeg vetëm opozitës, ndërkohë që policia e shtetit e arrestoi pas negociatave.
