Mjeku androlog Evi Dani, i ftuar në emisionin Health O’Clock në Euronews Albania, paralajmëroi për rreziqet që shoqërojnë përdorimin e pakontrolluar të viagrës.
Sipas tij, marrja e këtij medikamenti pa këshillën e mjekut mund të ketë pasoja serioze për shëndetin, madje edhe fatale në disa raste.
Dani theksoi rëndësinë e konsultës me specialistin përpara përdorimit, në mënyrë që pacienti të jetë i informuar për efektet anësore dhe rreziqet e mundshme që lidhen me të.
“Viagra është një nga preparatet që ka bërë çudi se ishte i pari që me daljen në treg në ‘97 arriti të ketë suksese të mëdha. Të gjitha preparatet e tjera që quhen bimore nuk janë të tilla, janë preparate që kanë në përbërje këtë grup medikamentesh. Efektet sekondare janë të pashmangshme, është mjeku që ja bën të ditur pacientit. Viagra ka dhimbje koke, skuqje fytyre, por kur nuk jepet ashtu siç duhet mund të çojë edhe në pasoja të rënda deri në vdekje; bie tensioni dhe pacienti është i detyruar të përfundojë keq”, shpjegoi mjeku.
