Mëngjesin e sotëm në emisionin “Koha për t’u zgjuar” në News24, ishte i ftuar mjeku gjinekolog Shkëlqim Balili. Në fokus të diskutimit ishte mikrobioma vaginale dhe ndikimi që ka disbalanca e saj në shëndetin e grave.
Balili bëri thirrje për kujdes në përdorimin e kontraceptivëve dhe antibiotikëve, të cilët sipas tij ndikojnë negativisht në ekuilibrin hormonal dhe mikrobiomën.
“Njeriu është një holobiomë, që një gjysmë miliardë vjet më parë, ka një komunikim njeri-mikrob. Mikrobiomë është tërësi mikroorganizmash ku futen mikrobet, viruset, kërpudhat etj.
Kam 4 vjet që dora ime nuk ka shkruar asnjë recetë me antibiotikë, edhe nëse vagina del e sëmurë me Escherichia coli, duhet të trajtohet me probiotikë, ndryshe rriten mikrobet e këqija. Antibiotikët duhet të përdoren vetëm kur je në rrezik vdekje, janë kundër jetës. Nuk mund të përdorësh antibiotikë dhe të shkosh në punë, për shembull. Ai i zhduk të gjitha, jo vetëm të këqijat, dhe duhet një kohë e gjatë, rreth 3 muaj, që mikrobioma e mirë të rindërtohet. Problematika me pacientet e mia shoh me mungesë të vitaminës D, ferritinë të ulët dhe mungesë të hormonit të lumturisë”, u shpreh Balili.
