Pasditen e sotme Drejtoria e Përgjithshme e Shërbimeve të Transportit Rrugor ka njoftuar në rrjetet sociale të gjithë drejtuesit e automjeteve që duke nisur data 4 maj, dita e djeshme, ka nisur aplikimi i gjobave për të gjithë ata që bëjnë ndryshim të karakteristikave të mjeteve të tyre.
Sipas njoftimit bëhet me dije se nuk mund të ndryshohet pa autorizim, ngjyra e makinës, vendosja e impiantit të gazit, por dhe vendosja e karrocerisë, pasi gjobat do të jenë nga 10 mijë deri në 20 mijë lekë të rinj.
Masat administrative për ndryshime pa autorizim: 10,000 Lekë
-të ngjyrës
-kutisë së shpejtësisë
-të tjera me procedurë të lehtësuar.
Masat administrative për ndryshime pa autorizim: 20,000 Lekë
-të motorit
-të shtimit të sistemit alternativ të ushqimit (impiantit të gazit)
-të karrocerisë
-të tjera me procedurë normale.
DPSHTRR bën me dije se mund të vetëdeklaroni kërkesën për të kryer një ndryshim konstruktiv/funksional në mjet në këtë link: VETEDEKLARO
Njoftimi i plotë:
Nga data 04.05.2020, DPSHTRR do të aplikojë masa administrative për të gjithë ata zotërues mjetesh që bëjnë ndryshime të karakteristikave konstruktive/funksionale të mjetit pa marrë fillimisht Autorizimin për ndërhyrje nga DPSHTRR (në zbatim të pikës 4, neni 78 i ligjit nr. 8378, datë 22.7.1998, “Kodi Rrugor i Republikës së Shqipërisë”, i ndryshuar)!
Masat administrative për ndryshime pa autorizim: 10,000 Lekë: të ngjyrës; kutisë së shpejtësisë; të tjera me procedurë të lehtësuar. Masat administrative për ndryshime pa autorizim: 20,000 Lekë: të motorit; të shtimit të sistemit alternativ të ushqimit (impiantit të gazit)l të karrocerisë; të tjera me procedurë normale Vetëdeklaro kërkesën për të kryer një ndryshim konstruktiv/funksional në mjet.
https://www.facebook.com/736222006587026/posts/1322349341307620/
