Kujdes me manovrat e rrezikshme që bëni nëpër rrugë. Policia e shtetit ka njoftuar se një paisje e re po monitoron nga ajri të gjithë makinat që shkelin rregullat e qarkullimit duke kryer veprime të ndaluar si parakalimi i gabuar apo mosrespektimi i këmësorëve. Bëhet fjalë për një “Dron Edukues” siç e quan policia dhe masat administrative për kundravajtjet rrugore që pikasen nga kjo paisje variojnë nga 5000 deri në 8000 lekë të rinj. Ky mjet është në një seri radarësh dhe paisjesh inteligjente të marra nga policia për të siguruar mbarëvajtjen në akset rrugore të vendit.
Njoftimi i Policisë së Shtetit
Tiranë
Një ndër objektivat e 👁️”Dronit Edukues”👁️është rritja e sigurisë rrugore, nëpërmjet kontrollit ndaj manovrave në rrugë, të përdoruesve të rrugës, me qëllim respektimin e rregullave të qarkullimit rrugor.
Ne këtë video evidentohen drejtues të mjeteve te cilët nuk u japin përparësi mjeteve të tjera në kryqëzim, duke mos zbatuar tabelën urdhëruese “STOP”, si dhe nuk përmbushin detyrimin e ndalimit të plotë të mjetit, deri në shpejtësinë 0 km/h, para vijës së ndalimit, përpara se të futen në kryqëzim.
Për shkeljet e kryera, këto drejtues mjetesh u ndëshkuan me masa administrative nga 5000 deri në 8000 lekë të rinj.
#udhëtomejetënnëmendje 🛣️🚘
#zbatorregullat✅⚠️
#mbrojetën
#respektokëmbësorët 🚶🚸
#STOP ❌shpejtësi ❌alkool❌celular🚘
