Ndërkohë që gjatë pandemisë SHBA ishte një nga vendet që pati më shumë kufizime me udhëtarët nga bota, qytetarëve amerikanë nga ana tjetër u hapen ende dyert e mirëseardhjes pa kushte nga 9 vende, përfshirë edhe Shqipërinë.
Shqipëria qëndron në krye të listës të vendeve që mirëpresin amerikanët pa një test COVID-19 apo karantinim të detyruar. CNN shkruan se në Shqipëri një amerikan nuk është i detyruar të testohet ndaj COVID-19 nëse nuk ka simptoma, teksa mund të presë vetëm një shqyrtim shëndetësor.
Gjithashtu edhe Brazili dhe Bjellorusia ka hapur dyert për amerikanët. Ndërsa në Ballkan, përveç Shqipërisë, amerikanët ,mund të udhëtojnë lirshëm në Serbi, Turqi dhe në Maqedoni e Veriut.
Po ashtu edhe Republika Domenikane, Zambia dhe Meksika, i mirëpresin shtetasit amerikanë pa kushte.
