Komisioni Evropian ka mirëpritur vendimin e Shqipërisë dhe Greqisë për të adresuar çështjen e kufirit detar në Gjykatën Ndërkombëtare të Drejtësisë në Hauge, tha Zëdhënësja e Komisionit Evropian, Ana Pisonero.
“BE mirëpret njoftimin nga qeveritë e Shqipërisë dhe Greqisë se si të procedohet me mosmarrëveshjen e tyre detare. Çështjet në lidhje me caktimin e kufijve adresohen më së miri përmes dialogut, në përputhje me ligjin ndërkombëtar dhe në ndjekje të parimit të marrëdhënieve të fqinjësisë së mirë “, shkroi Pisonero në llogarinë e saj në Twitter.
Lajmi u njoftua gjatë një konference shtypi midis Kryeministrit shqiptar Edi Rama dhe Ministrit të Jashtëm Grek, Nikos Dendias, gjatë vizitës së tij në Tiranë.
“Zgjidhja e kësaj divergjence do të jetë e dobishme për të dy vendet. Bazat e zgjidhjes do të jenë Konvent Detare, të cilën të dy vendet e kemi nënshkruar. Jam i lumtur të ritheksoj atë që sapo tha Kryeministri, që ne ramë dakord ta çonim çështjen në Hagë “, tha Ministri Grek.
/GazetaReforma.com/
