Daja i fëmijëve të Kudret Saliajt kërkon kujdestarinë e të miturve, pasi nëna e tyre ndodhet në burg, nën akuzën e vrasjes së ish-burrit, në bashkëpunim me babanë e saj.
Dhurata Saliaj u arrestua si bashkëpunëtore në krim, ndërkohë që ai që shkrepi armën ndaj Saliajt është babai i saj, Mexhit Picari.
Tashmë beteja mes dy familjeve ka kaluar për kujdestarinë e fëmijëve në Gjykatë, ku kanë bërë kërkesë si xhaxhai ashtu edhe daja i tyre.
Çifti që ishte në proces divorci kishte 3 fëmijë të mitur, ndërsa vrasja e Saliajt ndodhi pak përpara se në Gjykatën e Tiranës të zhvillohej seanca për kujdestarinë e fëmijëve.
Mes familjeve ka pasur akuza të ndërsjellta për dhunë.
I plagosur në këtë ngjarje të rëndë që ndodhi në një nga zonat më të popullura të kryeqytetit është dhe ish-prokurori Adriatik Cama, gjendja e të cilit është jashtë rrezikut për jetën, ndërkohë që i është nënshtruar një ndërhyrje kirurgjikale për heqjen e plumbit, që e kishte marrë në zonën e barkut. Burime bejne me dije se kanë qenë të paktën 5 plumba që kanë përshkruar trupin e Saliajt, i cili mbeti i vdekur në vend, në një prej kafeve në afërsi të gjykatës. Menjëherë pas ngjarjes autori ka arritur që të largohet prej aty me një mjet Hyndai, ndërkohë që u arrit të kapej në një kohë shumë të shpejt nga uniformat blu.
