Presidenti i Federatës Shqiptare të Futbollit, Armand Duka, ka shprehur pakënaqësinë e tij për grupin e kualifikuesve të Botërorit 2026, ku Shqipëria do të përballet me Anglinë, Serbinë, Andorrën dhe Letoninë.
Duka theksoi se ky ishte grupi i vetëm që nuk dëshironte për ekipin kuqezi.
Ai pranoi rregullin e shortit, por shtoi se Shqipëria mund të ishte ndodhur në një grup tjetër më të lehtë.
“Ky është grupi që nuk doja, pasi Anglia është një nga skuadrat më të forta. Serbia gjithashtu është një kundërshtar me të cilin nuk kemi pasur eksperienca të mira. Andorra gjithashtu është e vështirë, duke qenë se ndeshjet do të zhvillohen në periudha të ngjeshura,” u shpreh Duka.
Megjithatë, ai mbeti optimist dhe theksoi se Shqipëria do të luftojë për një vend në Botëror.
