Një 46-vjeçare është gjetur në një abnesë në Pogradec, pa shenja jete.
Ajo u gjet e vdekur brenda banesës, pak kohë pasi kishte marrë ndihmë mjekësore në spitalin e qytetit liqenor.
Policia bën me dije se viktima është me iniciale A.H. 46-vjeçarja kishte shkuar më herët në Spitalin e Pogradecit për të marrë ndihmë mjekësore dhe më pas ishte larguar drejt banesës.
Por rreth orës 21:40 u gjet e pajetë brenda apartamentit të saj. Shkaqet dhe rrethanat janë të paqarta. Grupi hetimor i policisë ka nisur hetimet për të zbardhur ngjarjen.
Grupi hetimor po punon për sqarimin e rrethanave të ngjarjes dhe përcaktimin e shkakut të vdekjes.
Njoftimi i policisë:
Pogradec/Informacion paraprak
Më datë 08.12.2021, rreth orës 21:40, jemi njoftuar se në lagjen nr. 1, Pogradec, në banesë, ka gjetur vdekjen, shtetasja A. H., 46 vjeçe, e cila më parë ishte paraqitur në Spitalin e Pogradecit dhe pasi kishte marrë ndihmën mjekësore, ishte larguar për në banesën e saj. Grupi hetimor po punon për sqarimin e rrethanave të ngjarjes dhe përcaktimin e shkakut të vdekjes.
Kujtojmë që para një viti në Pogradec një shtetase maqedonase qe u gjend e vdekur në banesën e saj, duket se është sinjalizuar nga komshiu përballë. Viktima quhet Maria Markovska.
Sipas banorëve, të cilët shprehen jashtë kamerave, kjo shtetase nuk kishte dalë prej dy ditësh nga shtëpia e saj, çka kishte ngritur shqetësim për banorët ngjitur.
Në momentin kur është gjendur e pajetë, në banesën e saj është gjetur edhe fëmija e saj, vajza 10-vjeçare në gjendje shoku, e cila vuan dhe nga sëmundja e epilepsisë.
