Trupi i pajetë i 33-vjeçarit Dritan Lalaj ka mbërritur në Frakull të Vogël nga Hamburgu.
Falë ndihmës së komunitetit shqiptar në Gjermani dhe kontributit të banorëve të fshatit, dërgimi i trupit u mundësua pranë babait të tij, i cili kishte bërë apel në media për të parë për herë të fundit djalin e tij dhe për ta përcjellë me nderimet e merituara në banesën e fundit.
Sipas ekspertizës mjeko-ligjore të bërë në Gjermani, Dritani ka humbur jetën si pasojë e vetëvarjes në banesën e tij, ndërsa më herët kishte tentuar të mbyllte jetën duke përdorur një thikë.
DEKLARATA E BABAIT
Gori Lalaj: Unë e mora vësh nga një shok që kishte kaluar në depresion dhe kishte tentuar të vriste vetën, i fola, tha se bëj më. Kemi folur para 3-4 ditësh, më tha që jam mirë. E pyeta për shëndetin. Mori një vizë në gusht, punonte me intervale, më tha që ‘nuk më kanë hedhur lekët, s’i kam marrë’. Pronari ishte maqedonas, emrin nuk ja di. As shoku i dhomës s’më tha gjë. Na erdhi njoftimi që është vetëvrarë djali. Jetonte me shokë, nuk i di emrat.
