Kryesia e Partisë Demokratike së drejtuar nga Lulzim Basha ka përjashtuar nga partia deputetin Gazment Bardhi. Mësohet se Kryesia ka vendosur me vota unanime sot, përfundimin e anëtarësisë së Bardhit në këtë forcë politike. Kujtojmë se mes Bardhit dhe Bashës ka pasur debate të shumta ditët e fundit, që pasi grupi parlamentar i drejtuar nga Bardhi zhvilloi takime me grupin e rithemelimit të drejtuar nga Berisha.
Vendimi është marrë pak min “Vendimi i Kryesisë së PD erdhi pas shkeljeve të njëpasnjëshme të kryera nga ish-sekretari i Përgjithshëm ndaj vendimeve të organeve kolegjale të PD, shumë prej të cilave janë votuar dhe janë nënshkruar prej tij si dhe për veprime në kundërshtim me interesat politike dhe elektorale të PD, për mosnjohjen e institucioneve të dala nga vota e demokratëve. Po ashtu dhe për ndjekjen e një agjende personale, përmes të cilës kërkon të zhvendosë PD nga orientimi i përcaktuar nga Kuvendi dhe Këshilli Kombëtar, në raport me aleatët strategjikë dhe bashkëpunimin me individët e sanksionuar si non grata, që kanë ndërmarrë një aksion dy vjeçar kundër Partisë Demokratike.”, thuhet në argumentet e parashtruara nga Kryesia e PD-së.
