Kryesia e Partisë Demokratike ka miratuar vetëm 4 emra si kandidatura për kryetar të kësaj partie në zgjedhjet që do të mbahen në 13 qershor.
Mësohet se në mbledhjen e sotme është vendosur që të jenë kandidatë: Agron Shehaj, Edit Harxhi, Fatbardh Kadilli dhe Lulzim Basha. Këto janë emrat që përmbushnin kriteret në përputhje me statutin e PD, ndërsa emrat e tjerë janë eliminuar nga gara. Ndërkohë, kryetari aktual I PD, Lulzim Basha nuk ka qenë I pranishëm në mbledhje për shkak të konflitkit të interesit dhe ka autorizuar dy nën/kryetarët dhe Sekretarin e Përgjithshëm, Gazmend Bardhin për të drejtuar mbledhjen.
Emrat që kishin shpallur fillimisht kandidaturën ishin më shumë, mes tyre edhe Ibsen Elezi dhe 4 emra të tjerë që u zbuluan pas mbledhjes së sotme që ishin: Admir Mulaj, Edmond Vrapi, Sabri Hoxha dhe Mirjan Jashanllari.
Nga nesër, kandidatët do mund të nisin fushatën për të shpalosur platformën e tyre për drejtimin e PD. Afati kohor për të zhvilluar fushatën do të jetë deri në datën 11 qershoor, ndërsa në 13 qershor do të mbahen zgjedhjet. Pas 25 prillit, pakënaqësitë në PD ndaj kryetarit Basha janë rritur, pasi emra të njohur të kësaj partie bëjnë atë përgjegjës për humbjen. Ndër to kanë qenë Bujar Nishani, Arben Imami, Fatbardh Kadilli etj.
