Në një intervistë për Italia Uno Roberto Rossi, kryeprokurori i Barit ka ngritur alarmin për mafiat shqiptare duke thënë se janë inteligjente. Grada e rrezikshmërisë së tyre kalon pritshmëritë, ndërsa i cilëson si më të rrezikshëm se Ndrangheta.
Uno Roberto Rossi, kryeprokurori i Barit
Këtu ka një emergjencë kombëtare sepse është një krim i organizuar i ngjashëm me Ndrangheta-n, që është një gjë shumë e rrezikshme, sepse nga njëra anë ka dhunën e mafies rurale dhe nga ana tjetër ka “inteligjencën” e biznesit. Diçka ka filluar të ndryshojë me mafian. Që nga masakra e San Marco në Lamis në vitin 2017 çdo gjë ka filluar të ndryshojë dhe ne i detyrohemi shume vejushave të viktimave të masakrës. Ne kemi disa prova. Për drogën ata punojnë me shqiptarët dhe nëpërmjet tyre kanë marrëdhënie me Kolumbinë për kokainë. Marrëdhënia e fortë është me shqiptarët. Duke qenë një mafia që ka investuar shumë, ajo ka ndërtuar marrëdhënie të forta ekonomike si në Italinë e Veriut, Ballkanin dhe Kolumbinë. Për këtë kemi ndërtuar një urë bashkëpunimi me prokurorin e antimafias shqiptare.Më shumë se një sinjal i dëshirës për t’u ndarë nga familja, përkundrazi, ata janë formuar në kontekste sociale ku qarkullojnë pasuri dhe të ardhura të shumta. Krimi në Foggia është bërë më i fortë në veri. Ai i Barit është më i kufizuar, ndoshta sepse është kundërshtuar më shumë ndër vite me energji më të madhe nga shteti, ndaj ndodhet në vështirësi. Unë do të thosha se kundërshtarët e vërtetë të krimit të organizuar në Foggia janë gratë. Ato ishin ndër të parat që reaguan. Roli i të vejave të viktimave luajnë një rol të rëndësishëm në ndërgjegjen sociale të zonës së Foggia-s, kështu që kamë parë se si gratë janë protagoniste të reagimit. Sigurisht, ato janë ende të pakta, por ky fakt është domethënës.
