Kryeministri Edi Rama dhe ministrat e kabinetit të ri qeveritar kanë kryer betimin në Presidencë, një akt që ka zgjatur vetëm pak minuta. Ceremonia u mbajt pa praninë e mediave, ndërsa 15 ministra dhe kryeministri bënë betimin te kreu i shtetit, për të nisur më pas puna e kabinetit të ri qeveritar.
Këtë herë, procedura pati një interes të veçantë, për shkak të përplasjeve të kryeministrit Edi Rama dhe presidentit Ilir Meta. Qeveria e re do e kryje betimin para presidentit, në kushtet kur ai është shkarkuar nga Kuvendi i vjetër, një nismë kjo e ndërammrë nga Partia Socialiste. Lidhur me këtë çështje pritet të thotë fjalën e saj edhe Gjykata Kushtetuese, ndërsa mandati i rregullt i Metës përfundon në korrik të viti 2022. Megjithatë, presidenti e ka dhënë dakordësinë e tij për qeverinë e re, duke i dekretuar të gjithë anëtarët e saj.
Ndërkohë, pas betimit në presidencë, kryeministri Rama pritet të mbajë mbeldhjen e parë me kabinetin e ri qeveritar, ku pritet të merren disa vendime, por ende nuk dihet për çfarë bëhet fjalë.
Kujtojmë që qeveria e mandatit të tretë të socialistëve u votëbesua në Kuvend me 77 vota pro, 53 kundër dhe 1 abstenim. Ajo do të ketë në përbërje 12 gra e 5 burra bashkë me kryeministrin.
