Kryeministri Edi Rama ka komentuar skandalin e çështjes Dritan Dajti, ku gjyqtarët i hoqën dënimin me burgim të përjetshëm për vrasjen e 4 policëve, pasi i pranuan gjykimin e shkurtuar.
Ai i ka quajtur gjyqtarët njerëz të ligj dhe të korruptuar, kriminelë me kostum dhe krevatë.
Kryeministri ndër të tjera ka theksuar se nuk do t’i ndahet kësaj çështje, askush nuk do të mund të shpëtojnë nga reformimi i sistemit gjyqësor.
“Njerëz të ligj dhe të korruptuar të cilët nuk janë vetëm ata, po janë plot që duke parë se ju ka ardhur fundi në sistemin e drejtësisë po i bien me top. Po kryejnë një akt kriminal, se faktikisht i rivranë 4 policët. Ne nuk do t’i ndahemi kësaj çështje që ta zhbëjmë duke bërë të gjithë presionin e nevojshëm por edhe këta gjykatës besoj nuk do t’ja dalin të shpëtojnë kaq lehtë.
Më ka ardhur keq për atë që ka ndodhur, por nga ana tjetër janë gjëra që nuk më çudisin sepse ne kemi ndërmarrë një reformë të thellë si askush nuk e ka menduar për të pastruar kancerin nga gjithë organizmi i sistemit tonë të drejtësisë duke shkulur nga trupi i sistemit tumore dhe metastaza,”- tha kreu i qeverisë.
