Sot, Kryeministri Rama dhe ministri i Punëve të Jashtme, Nikos Dendias, zhvilluan një bisedë telefonike. Në një postim në Twitter, ministri i Jashtëm i Greqisë shpjegoi temën e bisedës.
“Gjatë bisedës diskutuam zhvillimet e fundit rajonale”, shkruan Dendias
Gjithashtu në një post të mëparshëm, Ministria e Jashtme përgëzoi ministren e re të jashtme të Shqipërisë, Olta Xhaçka, për marrjen e detyrës. Për më tepër, pala greke shprehu synimin e Greqisë dhe Shqipërisë për të vazhduar bashkëpunimin e tyre në një gamë të gjerë çështjesh me interes të përbashkët.
Në takimin që patën në Tiranë në 20 tetor 2020, Kryeministri i Shqipërisë, Edi Rama dhe ministri i Jashtëm i Greqisë Nikos Dendias, thanë se të dyja palët janë pajtuar që t’i drejtohen institucioneve ndërkombëtare të drejtësisë për shënjimin e kufirit detar mes dy vendeve.
“Kemi rënë dakord që këtë çështje ta trajtojmë në instancat ndërkombëtare. Së bashku, Shqipëria dhe Greqia do t’i drejtohen drejtësisë ndërkombëtare për të vendosur pikat mbi ‘i’ në bazë të ekspertizës dhe në bazë të të drejtës ndërkombëtare të detit,” deklaroi Rama në konferencën e përbashkët për shtyp me ministrin grek.
Çështja e detit mes Shqipërisë dhe Greqisë është temë që ka përplasur të dy vendet në më shumë se 10 vjetët e fundit. Kjo çështje është e hapur që nga marrëveshja midis Shqipërisë dhe Greqisë në vitin 2009, e cila u njoh si marrëveshja e detit ku të dyja palët i kontestojnë 350 km rreth caktimit të kufijve detar.
/Gazetareforma.com/
