Kryeministri i Italisë Mario Draghi ka thënë se ai dëshiron që finalet e kampionateve evropiane të futbollit të mbahen në Romë sesa në Londër, për shkak të rritjes së numrit të infeksioneve të koronavirusit në Britani.
I pyetur gjatë një konference shtypi në Berlin nëse ishte në favor të lëvizjes, Draghi u përgjigj pozitivisht.
“Po … Unë do të përpiqem të ndaloj mbajtjen e finales në një vend ku infeksionet po rriten shpejt.”
Sidoqoftë, presidenti i federatës së futbollit të Italisë, Gabriele Gravina, më vonë “kategorikisht” mohoi se po kërkonin të zhvendosnin ndeshjen nga Ëembley në Romë.
Britania e Madhe ka regjistruar 10,633 raste të reja me koronavirus dhe pesë vdekje të mëtejshme, sipas azhurnimit më të fundit në panelin e qeverisë për Covid.
Në të kundërt, Italia ka regjistruar 495 raste të reja të Covid-19 në 24 orët e fundit dhe 21 vdekje të tjera nga virusi, tha Ministria e Shëndetësisë të hënën.
Mynihu gjithashtu e ka ofruar veten si një vend alternativë e mundshme për finalen e Euro 2020, me kryeministrin e shtetit bavarez Markus Söder që thënë se qyteti ishte në gatishmëri.
Ndërsa një finale në Ëembley ishte “plani A”, udhëheqësi i Unionit Social Kristian (CSU) tha se do të ishte e mençur që Uefa të kishte një plan B në mëngë.
