Kryeministri grek Kyriakos Mitsotakis ka qenë i pranishëm në Këshillin Atlantik në SHBA.
Gjatë fjalës së tij ai ka folur edhe rreth çështjes greko- shqiptare që lidhet dhe me integrimin e Shqipërisë në Bashkimin Europian.
Mitsotakis thotë se rruga europiane e Ballkanit Perëndimor është në favor të Greqisë, por thekson se Shqipëria duhet të respektojë minoritetin grek.
“Janë ende çështje që ne po përpiqemi t’i ndryshojmë. Në të njëjtën kohë kemi thënë se rruga europiane e vendeve të Ballkanit Perëndimor është në favorin tonë. E përkrahëm vendimin në Samitin e fundit lidhur me datën për hapjen e negociatave. Por Shqipërisë ia kemi bërë të qartë që aty duhet të respektohet minoriteti grek.“- u shpreh Mitsotakis.
Vendimi mbi integrimin në BE të Shqipërisë dhe Maqedonisë së Veriut do merret në maj, gjatë Samitit të Zagrebit.
Kujtojmë se Kroacia ka qenë shumë mbështetëse e vendit tonë rreth kësaj çështjeje.
Madje, Presidenti kroat ka deklaruar se do kujdeset vetë për këtë gjë.
Së fundmi, edhe Macron ka dhënë një shenjë pozitive, pasi tha se dëshiron që Samiti i Zagrebit të mbyllet me sukses.
