Monika Kryemadhi e ka marrë seriozisht rolin e lideres së LSI-së, aq sa edhe i është kthyer kundër disa herë edhe vet bashkëshortit të saj, Presidenti Ilir Meta.
E ftuar në Ora News, kryemadhi ka folur rreth deklaratës së Presidentit Meta e cila lidhej me protestën, duke thënë Presidenti dhe Presidenca duhet ta kishin ndjerë një herë fillimisht gazin. Ndërkohë ka theksuar gjithashtu se kjo nuk është beteja e Metës, por e shqiptarëve dhe si i tillë Meta nuk ka lidhje.
Pjesë nga intervista
Beti Njuma: Presidenti ishte i pari që dënoi dhunën dhe bëri thirrje për qetësi, ju bëri ndonjë mesazh apo ndonjë telefon për ti bërë thirrje protestuesve që të tërhiqen?
Monika Kryemadhi: E para Presidenti të vinte te Presidenca dhe ta ndjente gazin. Unë jam koshiente dhe e pranoj pozicionin e tij. Ai duhet të bëjë detyrën e tij si president dhe nuk ka pse të përfshihet fare. Kjo nuk është beteja e opozitës, nuk është beteja e Ilir Metës, është beteja e shqiptarëve. Detyra jonë, as unë dhe as Meta nuk jemi fillestare, secili nga ne ka marrë përsipër përgjegjësitë e tij. Përgjegjësitë tona nga ngatërrohen me marrëdhëniet familjare. Kur unë kam marrë këtë pozicion, pozicionin radikal për ti shkuar deri në fund këtij procesi, mua nuk më ndalon dot Ilir Meta. Nuk më ndalon Ilir Meta sepse ky është betimi që unë kam bërë përballë atyre 250 mijë votuesve.
