Monika Kryemadhi ka reaguar sërisht pas publikimit të deklaratës zyrtare të SPAK në lidhje me caktimin e masës ndaj vetë deputetes.
Ajo e quajti masën e sigurisë “detyrim paraqitje” si proces politik.
“Përveç korrektësisë sime e kam njoftuar dhe dërguar prokurorit të çështjes mbi 5 mijë faqe që nga viti 1995 të familjes sime, mamasë time dhe familjarëve të tij. Mamaja ime e ka pasur rreth 3 mijë faqe, ndërsa unë 5 mijë faqe. Që ka kur ka nisur procesi është një proces politik, ka ardhur nga denoncimi për inceneratorët e Elbasanit, Tiranës dhe Fierit. Indinjata ime dje erdhi pas deklaratës së SPAK ku kam menduar se për shkak të këtij reagimi, duhet të ishin shumë korrekt me lidhjen që ka të bëjë me Kryemadhi dhe Metës. sot jam si Kryemadhi dhe jo si ish-bashkëshortja e Metës.”, tha Kryemadhi.
