Tashmë me dorëheqjen nga mandatet Monika Kryemadhi ka dhënë një lajmërim të ri.
Në mbledhjen e Kryesisë së Këshillit Kombëtar të LSI-së ka thënë se që prej ditës së nesërme të gjithë këshilltarët e partisë dhe grupsesionet do jenë të organizuar në shtabe të përbashkëta. Sipas saj protesta do të ketë pothuajse çdo ditë dhe këto nuk do jenë protesta politike, por do të jetë protestë e shoqërisë.
Gjithashtu Kryemadhi ka folur edhe për djegien e mandateve ku ka thënë se mandatet e LSI-së nuk mund të bëheshin kurrë fasadë e mazhorancës që ka vjedhur votat e popullit.
“Sot ne të gjithë jemi të barabartë me çdo anëtar të Lëvizjes Socialiste për Integrim. Djegia e mandateve tona tregoi që përballë benefiteve të deputetit, ka më shumë rëndësi qytetari. Sot integriteti i LSI është më i pastër se gjithmonë. Ndaj të gjithë deputetët iu përgjigjën kërkesës për djegien e mandateve. Vërtetë ky grup parlamentar nuk ka qenë zgjedhja ime, por sot jam krenar për këtë grup që tregoi se dashuria për vendin e tyre është më e rëndësishme se mandati i deputetit. Ne jemi të përgatitur për çdo skenar të Ramës. Dikujt do ti hiqet gruaja nga puna, dikujt do ti vijë thirrja nga prokuroria, dikujt do ti vihet lëndë eksplozive në shtëpi. Nuk na ndalin dot, sepse kjo maxhorancë nuk është më shumicë dhe nuk ka kush e ndihmon më dot”, tha Kryemadhi.
