Kroacia ditën e sotme ka marrë dhe dozat e para të vaksinës anti Covid. Mediat vendase bëjnë me dije se sot fillon shpërndarja e 25.200 dozave të vaksinave të kompanive Moderna dhe AstraZeneca, të cilat do të përdoren për të vaksinuar grupe të prekshme të popullatës.
25.200 doza të vaksinës Moderna dhe AstraZeneca do të shpërndahen te njerëzit e moshës mbi 65 vjeç dhe ata që janë të sëmurë kronikë dhe më pas pjesa tjetër e popullatës do të përfshihet.
Epidemiologu, Iva Pem Novosel, nga Zyra Kroate e Shëndetit Publik, shpjegoi se shpërndarja në Slavonia dhe Dalmatia fillon të hënën, në Istria dhe Kroacinë qendrore të mërkurën dhe në pjesën veriore të Kroacisë të premten. Sasitë e vaksinave përcaktohen në proporcion me popullatën.
Megjithëse shoqatat e pensionistëve po kërkojnë shtyrjen e vaksinimit të të moshuarve me vaksinën AstraZeneca, Pem Novosel thotë se situata në Kroaci nuk është e tillë që vaksinimi të shtyhet.
“Tashmë pas dozës së parë, efektiviteti zhvillohet në tre javë, dhe kur merren dy doza të plota, me intervalin maksimal prej 12 javësh, kjo efikasitet është deri në 82 përqind,” tha ajo për HRT.
Kujtojmë se që nga fillimi i pandemisë e deri më tani në Kroaci janë regjistruar 235,473 raste pozitive me Covid-19, ndërkohë kanē humbur jetën 5,198 njerēz.
