Ndërsa turizmi është në krizë prej pandemisë Covid-19, Partia Demokratike ka prezantuar ditën e sotme disa masa konkrete që duhet të merren për sezonin në vijim.
Me anë të një reagimi në rrjetet sociale, deputeti demokrat, Agron Duka tha se një masë efektive është zgjatja e fundjavës pushim, nga e premtja pasdite përfshi dhe të hënën.
Gjithashtu, ai tha se duhet zgjatur afati i shlyerjes së kredive dhe detyrimeve fiskale për të gjithë sektorin e turizmit.
POSTIMI I PLOTË
PAA – mbështet vaksinimin sa më parë të të gjithë grupmoshave.
Ky proces ishte detyrim ligjor dhe human por jo fushatë elektorale. Qeveria Rama dështoi me vaksinimin.
Imuniteti i tufës që do të lejonte turizmin nuk do të arrihet brenda fundit të verës.
🔶Propaganda e Rilindasve bie përballë faktit të hidhur të numrit minimal të rezervimeve në hotelet e gjithë zonave turistike.
🔶Shqipëria duhet të ndjekë modelin e suksesshëm të vendeve që po e zbusin krizën e turistëve të huaj duke rritur turizmin e brendshëm. Një masë efektive është zgjatja e fundjavës pushim, nga e premtja pasdite përfshi edhe të hënën.
🔶Të ndalen bashkitë së kërkuari taksa lokale nga hotelet si në vitet e kulmit të turizmit.
🔶Të ofrohen trajnime falas.
🔶Të ristrukturohen duke zgjatur afatin e shlyerjen e kredive dhe detyrimeve fiskale.
🔶Të subvencionohet një pjesë e pagës në turizëm.
🔶Të hiqet që tani pagesa në rrugën e kombit.
🔶Të eliminohen mospagesat nga buxheti për individët dhe kompanitë, ndihmat sociale dhe pagesat anti-covid që të qarkullojë më shpejtë dhe më lehtë paraja në ekonomi.
🔶Por më e rëndësishme është krijimi i shpresës për të ardhmen.
🔶PAA bën apel publik për një strategji konkrete, profesionale, transparente, realiste dhe jo elektorale për sezonin turistik 2021.
