TIRANË
Ish-kandidati për deputet në parlamentin grek Fatos Malaj, me anë të një reagimi, shprehet se për krizën e emigrantëve në kufi, kanë faj qeveria shqiptare, ajo greke dhe emigrantët.
Malaj thekson se qeveria shqiptare duhet që t’ju bënte vetë tamponet qytetarëve të saj, në momentin që mësoi se ka radhë në kufi, për qeverinë greke shprehet se duhet të kishte organizuar më mirë testimet e të mos mbyllte pikat e tjera doganore, kurse për emigrantët shqiptarë në Greqi, deklaron se ata nuk janë integruar sa duhet në shoqërinë ku jetojnë.
Për Malajn, nga kjo krizë humanitare që ndodhi, duhet të nxirren mësime të mëdha.
Postimi i ish-kandidatit për deputet në parlamentin grek Fatos Malaj:
Ku gabuan në manaxhimin e krizës humanitare në kufirin Shqiptaro – Grek :
1- Qeveria Greke
2- Qeveria Shqiptare
3- Emigranti
Së pari uroj që gjendja të normalizohet dhe emigrantët të kthehen në banesën e tyre shëndosh e mirë. Së dyti shpreh ngushëllimet e mija familjes e cila humbi jetën e një fëmije , e një fëmije që besoj ëndëron si çdo fëmijë emigranti, një botë pa kufinjë. Edhe së treti të nxjerin të gjithë mësime për parandalimin e këtyre situatave.
Të ndalem tani se ku gabuan të tre ” Grupimet “1- Qeveria Greke, duhet të jepte më shumë informacion në kufi mbi gjendjen në momentin kur emigrantët largoheshin nga teritori grek. Grupet mbi testimet duhet të ishin më të organizuara .Nuk ishte nevoja mbyllja e dy pikave të tjera kufitare, kjo edhe për arsyen e grumbullimit vetëm tek dy pika kufitare bënte më shumë të rrezikshme përhapjen e covid -19.
2- Qeveria Shqiptare , së pari kur u mësua për masat të cilat mori Qeveria Greke duhet të fillonte testet mbi covid – 19 në spitalet shtetërore dhe të informonte qytetarët e vet mbi gjendjen. Së dyti edhe më kryesorja është se në shtyrjen që vendosi mbi pasaportat shqiptare deri në fund të vitit, nuk u njoftua asnjëherë pala Greke , kjo do të bënte të mundur ku aplikimet mbi lejet e qëndrimit të bëheshin edhe pse pasaporta kishte përfunduar. Emigrantët nga frika e humbjes së lejes së qëndrimit u dyndën drejt Shqipërisë.
3- Emigrantët, dihet tashmë se kaq vite në emigracion gjithmonë kanë patur një indiferentizëm të theksuar ndaj problemeve të tyre. Gjithmon kanë pritur zgjidhje nga një ” Shkop magjik ” . Të mbyllur në guackën e tyre asnjëher nuk u përpoqën të integrohen në shoqërin e vëndit ku jetojnë e punojnë, thjesht janë asimiluar por jo integruar ( herë tjetër e analizojmë këtë). T’ju mos lodhë më shumë, nxirni mësime nga këto kriza humanitare.
Vetëm sot ka marrë fund kaosi prej disa ditësh në pikën doganore të Kakavijës.
Sot në mëngjes nuk kishte më radhë automjetesh në kufi. Ministria e Mbrojtjes tha se gjatë 24 orëve të fundit kanë hyrë 3 325 udhëtarë dhe 1 629 mjete në tokën greke.
Pas krizës së paprecedent në Kakavijë, menjëherë kanë reaguar autoritetet shqiptare, duke bashkëpunuar me autoritetet greke për të zgjidhur problematikën e emigrantëve në kufi.
