Ditën e sotme presidentja e KE-së Ursula Von der Leyen në konferencë të përbashkët me kryeministrin Rama u shpreh optimiste sa i takon situatës ekonomike të Shqipërisë dhe rrugës së saj drejt BE-së.
Von der Leyen theksoi se BE ka bërë gati një plan investimesh në Ballkanin Perëndimor, kryesisht për energjinë e rinovueshme. Ajo deklaroi se do ketë paketë mbështetëse prej 80 milionë eurosh për familjet dhe bizneset e vogla në vendin tonë në këtë periudhë krize.
Von der Leyen: Kënaqësi që kthehem sërish në Tiranë, sa shumë ka ndryshuar që nga vizita e fundit. Ky është suksesi i juaj, rezultati i shumë viteve dhe ju keni mbajtur një vëmendje shumë të fortë te procesi i integrimit në BE.
Shembullore të shohim se Shqipëria është përkushtuar në vlerat e BE-së dhe ka mbrojtur rendin ndërkombëtar.
Rruga drejt BE-së, raporti i fundit i zgjerimit ka treguar të gjithë përparimin që po bën Shqipëria.
Shqipëria po forcon shtetin e së drejtës, këto janë arritje në një kohë plot sfida, ku përmend agresionin rus.
Eneergjia elektrike që vjen në Shqipëri ndikohet nga trazirat në treg, ne kemi vendosur se e vetmja përgjigjie është solidariteti, jemi pjesë e unionit për energjinë prandaj kemi një paketë mbështetëse për Ballkanin Perëndimor dhe mbështetje direkte buxhetore, 80 milionë euro për të ndihmuar familjet dhe bizneset e vogla në këtë periudhë.
Pas janarit, mbështetja për sistemin e energjisë, për 500 milionë euro për të gjithë rajonin, një plan investimesh për energjinë e rinovueshme, sepse krijon vende pune dhe është e mirë për mjedisin.
“Vau i Dejës”, hidrocentralet e Fierzës, ku u habita se prodhon ¼ e energjisë në vend. Kryeministër, i dashur Edi mendoj se Shqipëria mund të ndjehet krenare për arritjet e saj, keni treguar rezistencë, në 6 dhjetor do të takohemi sërish me Këshillin Europian dhe do jetë takim tejet i rëndësishëm, me shumë dëshirë po e pres.
