Menjëherë pas alarmit të dhënë nga konfindustria për rritjen e paparashikueshme të çmimit të karburanteve ka reaguar edhe kryeministri i vendit Edi Rama. Kryeministri me anë të një deklarate drejtuar qytetarëve ka paralajmëruar për krizën e re energjetike që na pret.
Së fundmi me anë të një shënimi në rrjetet sociale ka reaguar edhe akademiku Artan Fuga. Ai ka shkruar ndër të tjera se problemi shqiptar nuk duhet të jetë dukuri globale. Fuga shton se duhen reforma strukturore të ekonomisë së prodhimit, ose në të kundërt kriza do të jetë edhe më e madhe. Ndër të tjera Fuga në postimin e tij ka kritikuar ashpër edhe opozitën e cila sipas tij nuk ka një program ekonomik për ta nxjerrë Shqipërinë nga kolapsi.
Postimi i Artan Fugës:
Nuk është fatkeqësi natyrore ngritja e çmimit të gazit, energjisë elektrike dhe e naftës. Nuk është fare si tërmeti, si pandemia. Mos ngatërrojmë dukuritë ekonomike me ato natyrore.
Nuk shpjegohet problemi shqiptar me dukuri globale. Cfarë lidhje ka përshembull Rroskoveci me Londrën, Tokion a Milanon?
Struktura jonë e prodhimit është krejt tjetër. Ne prodhojmë domate, presh. Ata prodhojnë makina.
Por, kur prej dekadash ngremë problemin ore ne bijtë e Konti Kacikut jemi që ngrohemi me korrent, askush nuk ta vë veshin! Fut ndërto pa fund kate, merre popullsinë që dikur ngrohej hohoho me dru, në qytete si klientelë për qendrat e mëdha tregtare, dhe tani bërtasim : Fatkeqësiiiiiiiii natyroreeeeeee globaleeeeee, po vjeeeeeeen!
Cfarë do bëjmë tani? Hë! Të rrimë në shtëpi me pallto dhe dorashka! Apo do të vijnë orët e zgajtura pa drita e korrent e të kthehemi te qiriri! Po ashensorët t’i punojmë me ujë?
Për të qarë dhe qeshur!
Kur u rrit çmimi i energjisë, a eksportojmë energji elektrike ne apo rrimë kot? Dhjetfish t’a shesim!
Këto na tregoni se për të bërtitur : erdhiiiii kriza ! nuk është ndonjë zor!
Shpjegojmë Shqipërinë dje ekonominë e saj me bursat globale
Opozita është mbyllur krejtësisht në një mendim ekonomik formalist, jo ul taksën, jo buxhetI, jo ndihma! Do ta kuptojnë ndonjëherë se me mekanizma monetaristë ne nuk dalim kurrë nga qorrsokaku ku kemi hyrë.
Duhen reforma strukturore të ekonomisë dhe prodhimit. Ndryshe, kot, i kërkojmë qeverisë të kullandriset me ca burime financiare që i jep këtu dhe i heq aty.
Mjerim i madh!
Mirë qeveria që është ulur mbi një model ekonomik që e zhyt popullsinë në krizë dhe varfëri, po opozita çfarë ka që nuk ka program ekonomik për të nxjerrë Shqipërinë nga kolapsi por na propozon vetëm politikën e arnimeve financiare!
