Paralajmërimi që bëri kryeministri Rama përpara disa ditësh në lidhje me krizën energjetike që do të përfshijë vendin tonë. Kjo deklaratë ka ngjallur reagime të shumta. Së fundmi ish-zv.ministri i Financave, Elton Haxhi ka reaguar në lidhje me këtë çështje.
Sipas tij shpallja e emergjencës energjetike justifikohet vetëm në rastet kur operatorët nuk arrijnë dot të sigurojnë burimet e nevojshme.
Ndër të tjera Haxhi thotë se VKM-ja e miratuar ditën e sotme jo domosdoshmërish të çon në rritjene çmimit të energjisë.
“Shpallja e gjendjes së emergjencës energjetike mund të jetë e justifikuar në kushtet kur operatorët e tregut energjetik nuk kanë mundësi për të siguruar burimet e nevojshme për t’u hedhur në rrjetin energjetik, por megjithatë kjo nuk do të thotë se automatikisht do kemi rritje çmimesh pasi VKM që është miratuar sot jo domosdoshmërish të çon në këtë drejtim”, tha ai në intervistë për Euronews Albania.
Më tej Haxhi ka shtuar se situata duket dramatike për shkak edhe të gjendjes së rënduar të operatorëve energjetikë, duke përmendur konkretisht OSHEE-në.
“Aty qartazi është përmendur, që operatoret të shkurtojnë investimet e panevojshme dhe të përqendrohen në sigurimin e burimeve financiar. Duket sikur situata është në emergjencë për shkak të gjendjes së rënduar financiare të operatorëve, më konkretisht OSHEE”, shtoi ai.
