Aktivisti dhe lideri i opozitës ruse, Alexei Navalny, pas kthimit nga Gjermania, ku u trajtuar prej disa muajsh pas helmimit me agjentin kimik novichok, sapo ka zbritur në Moskë, është arrestuar nga forcat special të policisë.
Sipas gazetarëve dhe reporterëve të cilët ishin që në fillim me Navalnyn që në momentin kur ky i fundit hypi në bordin e avionit në Berlin, piloti fillimisht raportoi një vonesë në ulje prej 30 minutash për shkak të një “problemi teknik”.
Piloti më pas njoftoi se avioni do të ulej në aeroportin Sheremetyevo, dhe jo në aeroportin Vnukovo, ku Alexei Navalny u prit nga mbështetësit e tij dhe forcat speciale të policisë.
Policia ruse arrestoi aleatët e kritikut të Kremlinit në aeroportin Vnukovo të Moskës ndërsa ata prisnin që ai të mbërrinte sot ndërsa fluturonte me avion nga Gjermania.
Më herë gjatë kësaj jave, u zbulua se Navalny ishte vendosur në një listë të personave të kërkuar në Rusi.
Aktivisti akuzohet për shkelje të kushteve të provës së tij. Në vitin 2014, ai mori një dënim tre vjet e gjysmë të pezulluar për përvetësimin e 30 milion rubla (400,000 dollarë) nga dy firma, njëra prej tyre ishte marka franceze e kozmetikës, Yves Rocher. Dënimi i tij u pezullua për pesë vjet, dhe pritej të skadonte më 30 dhjetor 2020.
Më 28 dhjetor, Shërbimi Federal i Burgjeve thirri Navalnyn në një zyrë prove në Moskë, ku ai do të kontrollohej rregullisht për shkak të kushteve të dënimit të tij. Por ai ishte ende në Gjermani dhe nuk mori pjesë në vendodhjen ku iu caktua nga Shërbimi Federal./Gazetareforma.com/
