Një plagosje me armë zjarri ka ndodhur pak minuta më parë në qytetin e Laçit, ku ka mbetur i plagosur në këmbë një i ri nga një konflikt i çastit.
I plagosur ka mbetur shtetasi Zef Marku banues në Markatomaj të Lezhës, i cili është dërguar me urgjencë në spitalin e Traumës për të marrë ndihmën mjekësore, teksa ndodhet jashtë rrezikut për jetën.
Policia ka arritur të identifikojë autorin, shtetasin me iniciale I.XH., nga qyteti i Laçit, i cili ka braktisur makinën në një kanal dhe është larguar me armën e krimit me vete.
Ende nuk dihen shkaqet që kanë çuar në përplasjen e armë, teksa forca të shumta policore po krehin zonën dhe po ushtrojnë kontroll në banesën e autorit.
“Ne qytet Lac, rreth ores 17:45, ne rrethana ende te paqarta eshte plagosur me arme zjarri shtetasi Z. M., banues ne Markatomaj, Lezhe i cili eshte derguar per ndihme mjeksore per momentin jashte rrezikut per jeten. Sherbimet e Policise kane shkuar menjehere ne vendngjarje. Eshte ngritur grupi hetimor i cili vijion veprimet ne vendin e ngjarjes me qellim zbardhjen e rrethanave te ngjarjes, identifikimin dhe kapjen e autorit”, thuhet në njoftimin e policisë.
