Pas rikthimit në selinë e PD-së, Sali Berisha ngriti akuza të forta ndaj qeverisë dhe zyrtarëve të lartë. Ai e quajti Edi Ramën “kriminelin më të madh” dhe theksoi se emri i tij është më i lakuar në përgjimet e zbardhura nga Sky ECC dhe Encrochat.
Berisha akuzoi ish-ministrin Taulant Balla për porositje vrasjesh dhe tha se ai ka përdorur mbrojtjen politike për të kontrolluar policinë dhe sistemin gjyqësor.
“Taulant Balla është akuzuar për porosi vrasjesh, ndërsa Rama është më i lakuari në bisedat e Sky.
Ata që kanë punuar gjatë qeverisjes time e dinë mbështetjen që kam dhënë për drejtësinë”, tha Berisha, duke aluduar se këta individë po krijonin një sistem që mund të çonte vendin në kaos.
