Makina e një shqiptari është sulmuar 2 herë për tu djegur brenda një harku të shkurtër kohor prej 25 orësh. Makina e 40-vjeçarit shqiptar në Patisia ra pre e 2 sulmeve zjarrvënëse dhe mesa duket atentatorët e kanë pasur të qartë qëllimin për ta përfunduar misionin që nuk e arritën dot herën e parë.
Njgarja e parë ndodhi në datën 12 gusht, rreth orës 01:40, ku persona ende të panjohur i janë afruar makinës së parkuar dhe i kanë vënë flakën, duke i shkaktuar dëme në pjesën e përparme të veturës. Policia e Patrisas gjeti në vendngjarje shishe butani dhe mbetje plastike. Ndërkohë, rasti i dytë u regjistrua në orën 03:05 të mëngjesit të datës 13 gusht, ku përsëri persona të panjohur i janë afruar makinës së shtetasit me inicialet N.E., dhe i kanë vënë flakën mjetit që ndodhej i parkuar në rrugën Yrkanias, por këtë herë e përmbushën misionin pasi makina u shkrumbuar plotësisht.
Në vendngjarje kanë shkuar punonjës të repartit të neutralizimit të mjeteve ndezëse dhe aty kanë gjetur dy shishe butani të dëmtuara dhe mbetjet e një ene plastike.
Tashmë oficerët e sigurimit të Patisias, po hetojnë për “llogaritë” e hapura të konflikteve që mund të ketë 40-vjeçari për të arritur në gjurmët e autorëve. Kujtojmë se pak kohë më parë 3 shqiptarë mbetën të vrarë si pasojë e prishjes së pazareve të drogës.
