Një person është gjetur i pajetë mëngjesin e sotëm në Elbasan. Burime jo zyrtare bëjnë me dije se viktima është mashkull dhe dyshohet të jetë i moshës rreth 50-vjeç. Ai u gjet i zbathur në rrugën “Visarion Xhuvani”. Viktima nuk është identifikuar ende, pasi në trup nuk kishte mjet identifikimi me vete, ndërsa bëhet me dije se i janë konstatuar 7 plagë në kokë. Hetuesit kanë dyshime që ai është qëlluar me armë por do të jetë ekspertiza mjekoligjore që do të përcaktoj shkakun e vdekjes. Por nga grupi hetimorë nuk është përjashtu as fakti që 50-vjeçari është vrarë me sende të forta. Gjithashtu në bazë të mënyrës si u gjet trupi i pajetë i 50 vjeçarit, ngrihen dyshime se ai mund të jetë vrarë diku tjetër dhe është hedhur aty. Policia e Elbasanit po kërkon kamerat e sigurisë të lokalave në zonë për të mësuar më tepër detaje në lidhje me viktimën por edhe për të rënë gjurmë të personave që mund ta kenë hedhur aty trupin e pajtë të 50 vjeçarit në rrugë. Viktima është dërgu në morgun e spitalit të Elbasanit aty ku do t’i merren edhe gjurmët daktiloskopike që të bëhet e mundur zbulimi i identitetit të 50 vjeçarit. Deri në këto momente nuk ka asnjë njoftim zyrtarë nga Policia e Elbasanit në lidhje me këtë ngjarje. Qyteti i Elbasanit u trondit sërish brënda pak ditësh nga një tjetër ngjarje kriminale. Pak ditë më parë me anë të një atentati mafioz u vra me breshëri kallashnikovi Everst Çakaj. Ai u ekzekutuar në sy të bashkëshortes së tij, sapo kishte dalë nga banesa e prindërve të nuses.
Për momentin nuk bëhen me dije të tjera detaje për ngjarjen, ndërsa policia ka nisur hetimet.
Prokuroria dërgon në gjyq biznesmenin Lul Morina
Prokuroria pranë Gjykatës së Shkallës së Parë të Juridiksionit të Përgjithshëm në Tiranë ka përfunduar hetimet dhe ka dërguar në...
