Detaje të reja kanë dalë në dritë nga krimi i rëndë në familje, ku një 37- vjeçare u vra me thikë nga motra e saj pas një konflikti. Ngjarka ka ndodhur në Tiranë ditën e djeshme. Mësohet nga deklarata e autores se shkak i ngjarjes së rëndë ka qenë alkoolizimi i viktimës. Kjo e fundit duke qenë e alkoolizuar mësohet se ka qenë agresive.
Sipas dëshmisë ajo ka thënë se ka vepruar për vetëmbrojtje, pasi 37-vjeçarja i kishte kërcënuar se do t’i vriste.
“Veprova në kushtet e vetëmbrojtjes, na kërcënoi se do na vriste. Prej më shumë se 10 vitesh motra Amanda Pushani ishte e alkoolizuar dhe problematike. Debatuam me të që të linte alkoolin, Amanda më kërcënoi mua dhe mamanë”, ka thënë 40-vjeçarja kur është marrë në pyetje nga policia.
Autorja e krimit, 40-vjeçarja Marsela Pushani punonte si mësuese gjuhe në një shkollë në kryeqytet dhe dy vajzat jetonin me nënën e tyre në një banesë.
Shtohen divorcet, sa kërkesa për zgjidhje martese kishte në vitin 2024
Divorci është kthyer në një dukuri shqetësuese edhe në Durrës, ku vetëm gjatë vitit të kaluar janë regjistruar 1,307 kërkesa...
