Pasditen e djeshme, Xhevit Sinani ka ekzekutuar gruan dhe vëllanë e ti, përkatësisht Zegjine Sinani dhe Shaqir Sinani. Ndërkohë që fsqinjët e tyre shprehen se i njihnin për njerëz të mirë dhe nuk kishin parë të kishin probleme me njëri tjetrin si në familje ashtu dhe mes vëllezërish. Po ashtu ato thonë se kishin dëgjuar që autori i krimit të dyfishtë , Xhevit Sinani kohët e fundit nuk shfaqte shenja të mira të shëndetit mendor.
“Ne i njohim si njerëz të mirë, se çfarë kanë pasur me njëri-tjetrin nuk e dimë, ne nuk kemi parë ndonjëherë probleme. Me të dëgjuar nga të tjerët kohët e fundit sikur nuk ishte mirë nga mendja, thonë se ka pasur probleme mendore. Ka qenë tip i zgjuar më para nuk na e merrte mendja. Xheviti ka qenë kryetar këshilli në atë kohë, ka qenë llogaritar në kohën e kooperativës. Vëllai i tij jetonte këtu afër“, shprehen fqinjët.
Shkak dyshohet të kenë qënë problemet mendore të autorit ato që kanë shkaktuar tragjedinë. Menjëherë pasi ka kryer krimine dyfishtë, Sinani ka telefonuar fëmijët duke i vënë në dijeni për aktin që ka kryer. Forcat e policisë kanë arritur që ta vënë në pranga autorin e ngjarjes së rëndë. Policia po heton dhe po merr në pyetje autorin për të zbardhur rrethanat e ngjarjes.
