Një koleksion shumë interesant krehërash vikingësh doli në dritë gjatë 40 gërmimeve gjatë 20 viteve në Ipswich, Angli.
Dy arkeologët janë ndër autorët e një studimi të publikuar së fundmi që analizon 1341 gjetje dhe 2400 fragmente të zbuluara gjatë gërmimeve midis 1974 dhe 1994.
Ipswich u themelua si një port tregtar anglo-sakson në vazhdën e rënies së Perandorisë Romake dhe lulëzoi përmes tregtisë detare me Evropën. “Gjetjet e vendosin Ipswich-in në qendër të një bote të hershme mesjetare në zhvillim dhe tregojnë lidhjet me botën e jashtme, veçanërisht me Francën veriore, Frisinë (një zonë që përfshin pjesë të Holandës, Gjermanisë dhe Danimarkës) dhe Skandinavinë jugore”, theksojnë autorët. .
Krehërat u bënë në Skandinavi dhe tregojnë një prani vikingësh në Ipswich në fund të shekullit të 9-të – ata e pushtuan atë në 869 pas Krishtit.
Krehërat u bënë gjithashtu në Ipswich dhe kishin “forma të veçanta lokale”, sipas Shërbimit Arkeologjik të Këshillit të Qarkut Suffolk.
Shumica ishin bërë nga brirët e drerit, megjithëse disa ishin bërë nga kocka, kryesisht balena.
