Kreu i Komisionit Qendror të Zgjedhjeve, Ilijran Celibashi ishte pak më parë në conference për mediat, ku ka folur edhe për problemet krtyesore që ka pasur procesi i numërimit të votave. Celibashi tha se probeme ka pasur me sjelljen e anëtarëve të KZAZ-së dhe numëruesve. Ai deklaroi se në disa raste ëshët penguar edhe procesi pqr shkak të qëndrimit të partive politike.
Celibashi komentoi gjithashtu denoncimin e kandidatit të LVV në Tiranë, Bojken Abazi për bërjen e votave të pavlefshme. Kreu i KQZ tha se rasti është duke u ndjekur.
“Ka përfunduar numërimi dhe në zonën zgjedhore nr.40 ku është sistemi i votimit elektronik. KQZ po ndjek me shumë vëmendje ecurinë e këtij procesi. Kemi probleme në sjelljen e anëtarëve të KZAZ-së dhe të numëruesve. Puna është mjaft me tension, por kemi të dhëna që jo në pak raste, pengimi i procesit vjen si rrjedhojë i qëndrimit të partive politike. KQZ ka reaguar dhe pas ndërhyrjes së KQZ-së situata ka ndryshuar. Në momentin që ne flasim nuk kemi informacion që në ndonjë KZAZ të jetë ndërprerë procesi i numërimit. Në faqen e internetit të KQZ-së gjendjen të gjitha shifrat. E di që ka pasur probleme por ka qenë shumë i lartë numri i kërkesave për të aksesuar faqen. Kjo gjë krijon vonesa në kërkimin e informacionit. Sikurse dhe sot, siç jeni në dijeni, misioni ndërkombëtar doli me raportin paraprak, kryesisht me atë çfarë kanë vërejtuar në dotën e votimit. të gjitha vlerësimet e misionit të OSBE-së i gjejmë realiste. Kanë të njëjtin opinion si Komisioni i Zgjedhjeve. Kemi pasur disa raportie nga disa kandidatë për deputetë, si kandidati i pavarur Boiken Abazi. Jemi duke e ndjekur si situatë dhe përsa i takon KQZ-së do ndajë qëndrimet e duhura”, tha Celibashi.
