KQZ nxjerr listën finale/ Regjistrohen 46 parti, 3 koalicione dhe 8 kandidatë të pavarur

KQZ ka njoftuar se janë rregjistruara në zgjedhjet e 25 prillit 46 parti, 3 koalicione dhe 8 kandidatë të pavarur.

Sipas njoftimit të KZQ në tre kërkesat e depozituara për koalicione janë Aleanca për Ndryshim, ku përfshihen 13 parti. Po ashtu një tjetër alenacë është Aleanca Ora Kombëtare, Emigracioni, Bashkimi Popullor dhe Konservatorët në të cilën përfshihen 4 parti. Ndërkohë Aleanca është e përbërë nga 7 parti.

Numri i zgjedhësve

Kryekomisioneri i Zgjedhjeve Ilirjan Celibashi nga mbledhja e zhvilluar foli sa i përket numrit total të zgjedhësve sipas ekstraktit të fundit ku sipas tij numri total i zgjedhësve sipas ekstraktit të fundit (2 shkurt 2021) të Drejtorisë Përgjithshme të Gjendjes Civile është 3.594.872 zgjedhës. Sa i përket listave shumëemërore dhe dekriminalizimit ai u shpreh se pritet që shumë shpejt të fillojë dorëzimi i listave. Ndër të tjera, Celibashi bëri me dije se për të garantuar transparencë sa i përket të dhënave të dorëzuara nga kandidatët për deputet është ndërtuar nj sistem i posaçëm. “Pas datës 8 mars që është afati I fundit për dorëzimin e listave shumemërore nga subjektet zgjedhore, KQZ do të fillojë me procesin e verifikimit të formularëve të vetëdeklarimit të kandidatëve për deputet kemi ndërtuar infrastrukturën e nevojshme që ky proces të kryhet sa më shpejt të jetë e mundur. Kemi ndërtuar gjithashtu një sistem i cili në kohë reale publikon të gjithë të dhënat e dorëzuara nga kandidatët për deputet, në mënyrë që të garantojmë transparencë totale. Verifikim do të kryhet në bashkëpunim me Drejtorinë e Përgjithshme të Burgjeve, Drejtorinë e Përgjithshme të Gjendjes Civile dhe në rastet të posaçme me Prokurorinë e Përgjithshme”, tha ai.

Numërimi dhe votimi elektronik

Ndër të tjera, Celibashi u shpreh se sa i përket votimit dhe numërimit elektronik sipas ndryshime të miratuara përcaktohet zbatimi i projektit pilot në një Zonë të Administrimit Zgjedhor e cila ka në juridiksionin e saj territorial jo më shumë se 55 qendra votimi. Ai theksoi se lidhur me këtë akoma nuk është përcaktuar në mënyrë përfundimtare përmes vendimmarrjes pasi po presim konfirmimin përfundimtar. “Siç jeni në dijeni Komisioni Rregullator ka miratuar disa ndryshime në vendimin nr. 4, datë 13.11.2020, të Komisionit Rregullator, “Për llojin dhe karakteristikat teknike që duhet të plotësojnë sistemet dhe pajisjet e votimit dhe numërimit elektronik dhe pajisjet që prokurohen dhe përdoren në zgjedhjet në Republikën e Shqipërisë”. Ndryshimi i cili përcakton zbatimin e projektit pilot në një Zonë të Administrimit Zgjedhor në Bashkinë e Tiranës, e cila ka në juridiksionin e saj territorial jo më shumë se 55 qendra votimi”, tha ai. Celibashi u ka bërë bëj apel të gjithë qytetarëve që të kontrollojnë adresat dhe vendndodhjet e qendrave të votimit edhe pse nuk mund të ketë më ndryshime në përbërësit zgjedhor dhe në qendrat e votimit pasi për shkak të tërmetit adresat e qendrave të votimit mund të kenë ndryshime.

Koalicioni Aleanca për Ndryshim