Në mbledhjen e sotme të KQZ-së, u miratua projektvendimi “Për caktimin e partive politike që do të propozojnë anëtarët dhe sekretarët e Komisioneve të Zonave të Administrimit Zgjedhor për zgjedhjet për Kuvendin e datës 11 maj 2025”.
Partitë politike që do të propozojnë anëtarët e KZAZ-ve për zgjedhjet e 11 majit 2025 janë si më poshtë:
a. Partia Socialiste e Shqipërisë (PSSh), si partia kryesore e shumicës parlamentare, propozon 2 anëtarë;
b. Partia Socialdemokrate (PSD), si partia e dytë kryesore e shumicës parlamentare, propozon 1 anëtar;
c. Partia Demokratike e Shqipërisë (PDSH), si partia kryesore e opozitës parlamentare, propozon 2 anëtarë;
d. Partia e Lirisë (PL), si partia e dytë kryesore e opozitës parlamentare, propozon 1 anëtar.
PS propozon anëtarin e shtatë në KZAZ-të me numër çift, ndërsa sekretari propozohet nga PD në KZAZ-të me numër çift dhe nga PS në ato me numër tek.
