Komisioni Qëndror i zgjedhjeve ka vendosur sot pezullimin e kandidatit Plarent Aleksit për deputet në zgjedhjet e 25 prillit. Aleksi ishte paraqitur si kandidat i pavarur në qarkun e Beratit.
Vendimi është marrë gjatë mbledhjes së mbajtur sot nga KQZ, pasi kandidati nuk kishte siguruar firmat e nevojshme për të garuar si kandidat i pavarur.
Ndërkaq, pas korrigjimit të dokumentacionit ka marrë dritën e gjelbër për të garuar në qarkun e Shkodrës kandidati Pal Shkambi.
Në mbledhjen e sotme u vendos skualifikimi nga gara i Koalicionit Aleanca AL, si dhe Aleanca Kombëtare, pasi sipas kreut të KQZ Celibashi këto subjekte ishin jashtë kushteve ligjore për regjistrim.
Kujtojmë gjithashtu e dje KQZ mori dy vendime të tjera të rëndësishme. Njëri prej tyre ishte largimi nga lista të 78 deputetëve, të cilët sipas KQZ ishin më shumë se numri i lejuar me 153 kandidatë.
Vendimi tjetër ishte lejimi i kandidimit të Tom Doshit. Pavarësisht thirrjeve të SHBA, Komisioni Shtetëror i Zgjedhjeve ka regjistruar në zgjedhjet parlamentare të 25 prillit Partinë Social Demokrate të Tom Doshit.
Kujtojmë se Departamenti Amerikan i Shtetit e vendosi në “listën e zezë” Doshin, duke i ndaluar hyrjen në SHBA.
Lidhur me kërkesat e SHBA dhe moskandidimit të tij, KQZ tha se vepruan në bazë të legjislacionit shqiptar.
