Është shkarkuar nga detyra kreu i Prokurorisë së Apelit të Tiranës, Dritan Peka. Ai kishte kaluar në Vetting në shkallën e parë në KPK, por Komisioneri Publik e apeloi vendimin e konfirmimit të tij, për të trija kriteret, pasurinë, figurën dhe profesionalitetin.
Komisioneri Publik theksoi se vendimi i KPK-së kishte probleme, sa i përket hetimit ndaj prokurorit Peka dhe KPA duhej të vendoste shkarkimin e tij për deklarim të pamjaftueshëm të pasurisë dhe për cënim të besimit të publikut te drejtësia.
Deklarimet e Pekës nuk përputheshin për vitin 2010 për dy gjendje cash, një të kursyer prej pagave në shumën e 1 milionë lekëve dhe tjetra në 1,5 milionë lekë nga kredia.
Prokurori Peka e kundërshtoi analizën financiare. Ai pretendoi se dilte me balancë pozitive edhe në vitet për të cilat KPA kishte konstatuar pamundësi financiare për kryerjen e shpenzimeve dhe investimeve.
/GazetaReforma.com/
