Komisioni Qendror i Zgjedhjeve në Kosovë po vijon procesin e numërimit të votave të ardhura nga përfaqësitë diplomatike.
Sipas të dhënave të fundit të publikuara nga KQZ, deri në orën 23:48 të mbrëmjes së djeshme, është numëruar 44.19% e këtyre votave.
Rezultatet paraprake tregojnë se Lëvizja Vetëvendosje ka marrë 81.89% të votave, Lidhja Demokratike e Kosovës 7.21%, Partia Demokratike e Kosovës 5.75%, ndërsa Aleanca për Ardhmërinë e Kosovës ka siguruar 1.54%.
Numërimi i votave nga jashtë ka nisur të mërkurën në Qendrën e Numërimit dhe Rezultateve, ku po përpunohen fletëvotimet e mbërritura nga 30 përfaqësi diplomatike me gjithsej 43 vendvotime.
Ky proces votimi u zhvillua më 8 shkurt 2025, me një pjesëmarrje prej 15,352 votuesve, ose 75.57% të atyre që ishin regjistruar për të votuar nga jashtë.
