Qeveria e Kosovës ka refuzuar vaksinat e ofruara nga qeverisa shqpitare për të nisur procesin e vaksinimit për mësimdhënësit. Lajmi është bërë i ditur nga vetë kryeministri Albin Kurti dhe ministri i Shëndetësisë, Arben Vitia.
Në një konferencë për mediat Kurti ka thënë se duke qenë se Kosova nuk njihet nga disa shtete në botë dhe prandaj kanë rezervat dhe qëndrimin e tyre dnaj shteteve mosnjohëse.
“Duhet ta keni parasysh që Kosova duke qenë që nuk njihet nga jo pak shtete në botë, nuk e ka komoditetin e pranimit të vaksinave gjithandej. Orientimi ynë është me shtetet që na kanë njohur andaj edhe e kemi rezervën tonë dhe qëndrimin tonë karshi ofertave të ndryshme të cilat mund të na vinë nga shtetet mosnjohëse”, ka thënë kryeministri i Kosovës.
Ndërkohë ministri Arben Vitia ka deklaruar se nuk Kosova nuk mund të marrë vaksinat kineze nga Shqipëria, pasi edhe po të donin, ligji ua ndalon që të importojnë produkte të paregjistruar nga EMA. Kjo ka qenë edhe arsyeja pse është shtyrë procesi i vaksinimit të mësuesve.
“Kam kërkuar nga ministrja Manastirliu që të mundësohet vaksinimi i mësimdhënësve. Mirëpo fatkeqësisht në ndërkohë, numri i vaksinave Pfizer dhe AstraZeneca janë harxhuar në Republikën e Shqipërisë dhe kanë ngelur vetëm vaksinat Sinovac me prodhim nga Kina. Dhe për arsye se në Republikën e Kosovës ne edhe po të donim, na ndalojnë ligjet që të importojmë produkte që nuk janë të regjistruara në EMA dhe në këtë situatë, ne nuk e kemi parë të arsyeshme që mësimdhënësit tanë të vaksinohen me vaksinat të cilat ne nuk mund të garantojmë për to. Kjo është arsyeja pse është shtyrë procesi”, ka thënë Vitia.
