Nënkryetari i LSI-së, Petrit Vasili ka falenderuar Kosovën për ndihmën që i ka dhënë Shqipërisë në përballje me zjarret. Në një postim në Facebook, Vasili shkruan se në çdo hall vëllezërit nga Kosovan ga gjenden pranë dhe janë me ne edhe në këto ditë të vështira të zjarreve.
Në të kundërt, Edi Rama dhe rilindja vetëm halle i hapin Kosovës, shkruan Vasili. Ai shton se nuk është për t’u çuditur nëse ndihma e Kosovës të mos përmendet fare nga rama, por ai të falenderojë Serbinë që solli Goran Bregoviç në kohën e zjarreve.
“Ne çdo hall vellezerit nga Kosova na gjenden dhe jane me ne edhe sot ne keto dite te veshtira te zjarreve ketu jane me forca e me mjete. Ndersa Edi Rama dhe rilindja vetem halle mbi halle i hapin Kosoves! Mos u çuditni hiç qe pas ca kohesh ndihma vellazerore e Kosoves per zjarret nuk do permendet fare nga Edi Rama, por do falenderoje Serbine, qe na solli Bregoviçin ne kohen e zjarreve!”, shkruan Vasili.
Rreth 100 forca nga Kosova janë bashkuar për shuarjen e zjarreve në Kukës,50 prej të cilëve tek zona e quajtur Laku i Thive dhe 50 te Qafa e Kumbullës, pasi kreu i Bashkisë, Safet Gjici kërkoi ndihmë për të përballuar situatën krtike.
