Kosova ka marrë 24 mijë dozat e para të vaksinës AstraZeneca me anë të programit COVAX , ndërsa në vend ka nisur edhe procesi i vaksinimit prej ditës së djeshme. Por çfarë do të ndodhë me 11 mijë dozat që kryeministri Edi Rama ka premtuar për personelin shëndetësor në Kosovë?
Federata e Sindikatave të Shëndetësisë së Kosovës i ka kërkuar kryeministrit Albin Kurti që të pranojë dozat e ofruara nga Shqipëria, ndërsa falenderon Ramën për vaksinimin e 500 punonjësve të shëndetësisë të Kosovës. Federata kërkon që Kosova të fillojë vaksinimin masiv duke blerë vaksina në treg e të mos varen vetëm nga donatorët.
Njoftimi i FSSHK:
Fillimisht më lejoni të falenderojë Kryeministrin e Shqipërisë Z. Edi Rama për vaksinimin e 500 punonjësve shëndetësor gjë e cila hapi një kapitull të rëndësishëm drejt luftës me Pandminë COVID-19.
Duke qenë vigjilente në përcjelljen e situatës dhe kërkesës që vaksinimi të bëhet në mënyrë sa më masovike, FSSHK, kërkon nga Kryeministri i Republikës së Kosovës Z. Albin Kurti që të shfrytëzoj rastin të përdor edhe 11,000 vaksina të ofruara nga Kryeministri i Shqipërisë Z. Rama për punonjësit shëndetësor.
Në fund urojmë dhe kërkojmë që Kosova të fillojë vaksnimin masiv të qytetarëve duke siguruar blerjen e vaksinave të licencuara në treg e mos të varremi vetëm nga donacionet”.
