Përfaqësuesi i Lartë i BE-së për Politikën e Jashtme dhe Sigurinë, Josep Borell ka thënë se Kosova i ka përmbushur kriteret për liberalizimin e vizave dhe i ka bërë thirrje Bashkimit Europian që të reflektojë në lidhje me këtë çështje. Borell shkruan se do e mbështesë plotësisht liberalizimin e vizave për Kosovën.
“Liberalizimi i vizave për Kosovën ka marrë shumë kohë: vendi ka përmbushur të gjitha kriteret dhe tani duhet të bëjmë përparim për këtë çështje. Unë do ta mbështes plotësisht këtë”, ka shkruar përfaqësuesi i lartë i Bashkimit Europian.
Ndër të tjera, Borell ka bërë me dije se ai do të ndërmjetësojë një takim të nivelit të lartë në Prishtinë për s ai përket dialogut Kosovë-Serbi në qershor.
“Po ashtu, do të ndërmjetësoj një takim tjetër të nivelit të lartë të dialogut në Beograd në Prishtinë në qershor”, shkruan më tej ai.
Në fund Borell ka thënë se ky vit duhet të sjellë përparim në të gjitha fushat mes Bashkimit Europian dhe rajonit të Ballkanit Perëndimor.
Ky duhet të jetë vit përparimi në të gjitha fushat midis BE-së dhe Ballkanit Perëndimor”, tha Borell.
Gjatë javës së kaluar, Bashkimi Europian ka mbajtur një darkë jo-formale me të gjithë liderët e Ballkanit Perëndimor. I pranshëm ka qenë edhe kryeministri Edi Rama e po ashtu edhe kryeministri i Kosovës Albin Kurti. Të dy ata kanë pasur një takim jo-formal ku kanë diskutuar për bashkëpunimin mes dy vendeve.
