Kosova do të marrë 1 213 290 doza të vaksinës Pfizer deri në fund të vitit. Lajmnin e ka bërë të ditur ministri i Shëndetësisë në një konferencë për mediat pas mbeldhjes së qeverisë.
Vitia tha se nga 15 qershori do të nis të zbatohet plan ii imunizimit në masë kundër koronavirusit . Ndër të tjera, ministri shtoi se plani i imunizimit në masë parasheh administrimin e një numri mes “300 mijë dhe 400 mijë vaksinave në muaj”.
Për Kosovën kjo është kontrata e parë që nënshkruan me një kompani farmaceutike për sigurimin e vaksinave kundër Covid-19. Deri tani, dozat e mbërritura në Koosovë kanë qenë të dhuruara nga COVAX i Organizatës Botërore të Shëndetësisë dhe nga Bashkimi Evropian.
Jo më larg se ditën e enjte, Kosova mori një kontigjent prej 100 mijë vaksinash të Pfizer nga program COVAX.
Në këtë fazë të procesit të imunizimit, janë duke u vaksinuar personat nga mosha 65 deri në 79 vjeç. Më herët janë vaksinuar personat mbi 80 vjeç, ata me sëmundje kronike dhe personeli shëndetësor.
Synimi i qeverisë të Kosovës është që të ketë vaksinuar 60% të popullatës deri në fund të vitit.
Ndërkohë, ditën e sotme në Kosovë u lehtësuan edhe masat kufizuese anti Covid. Qeveria vendosi heqjen e orës policore dhe gjithashtu nga 1 qershori do të lejohet lëvizja pa maska në ambiente të hapura.
